7-4-2009     Tuesday

France & Holland Trip - Nice Day 1

八點四十六分, 一踏出架火車, 我就黎到NICE喇!!!!!!!!!
o係無睇過酒店o係邊加上無地圖o係身, 要搵到酒店又真係幾難架~
呢個process用左差唔多一個鐘.
首先係自己搵, 搵唔到我就放低呀盈ALEX o係海邊我自己再搵!
點知..... 首先俾人呃左去另一面...
咁我搵唔到就唯有再問人啦....
今次問個有地圖既人, 點知佢唔識英文....
大家雞同鴨講... 攪左一陣佢又成功話到我知酒店o係邊WOR~~~
全因為我事先學識左法交既1 2 3 4 5......
雖然佢數到第9條街, 不過我都估到佢講咩既~

去到酒店, 梳洗完就搵野食喇~
食飽飽再搵supermarket買野~

NICE真係一個度假既地方, 呢度有d似黃金海岸~

之後去左現代美街館, 食雪糕, 餵白鴿, 去沙灘玩......

哈哈~ 係咪好靚呢???

之後又去食好野!
今次食左炸魚, 羊扒同埋APPLE TART
我真係覺得法國既甜品好好食.
食完個甜品真係食返晒個cost返黎呀!

6-4-2009     Monday

France & Holland Trip - Paris Day 4

今朝又俾我搵到個靚位食早餐~~~
新既一日又開始喇!
因為cancel左雪山既行程, 多左既呢日就當然無咁趕啦~
八半起身同rainnie落左去食早餐
等埋呀盈alex, 食飽飽就返房寫postcard~
十一點出發行聖心堂附近既手信街~
收穫唔算豐富, 不過都買丁野俾自己~

一點半, 我地就送左rainnie去搭車LU~
佢要繼續自己既行程喇~~
之後食埋野走左去羅浮宮同埋聖母院附近影相~

之後又返左去St. Michel食dinner~
今晚食左: Snail, 法式西班牙海鮮炒飯, ice-cream~
食完, 返hotel拎埋d行李, 就搭夜車去Nice~~
第一次搭通霄火車, 真係唔多敢訓架~~
特別係身邊兩位旅伴都訓到隻豬咁 =-="
之後架火車熄晒燈, d人又訓晒wor~
咁我都決定左休息, 因為唔訓真係會死人架~~~

5-4-2009     Sunday

France & Holland Trip - Paris Day 3

又係一個Good good good gd  gd  gd  gd  morning呀~
食早餐既時候, 俾我搵到個靚位!
o係巴黎路邊飲咖啡, 個感覺真係唔同D!

食完早餐就出發去北站買火車飛喇~
原來o係法國搭火車係一件好貴既事WOR!!!!!
買完上雪山既車飛, 大家就動身去凡爾賽宮喇~

第一站 - 凡爾賽宮 (Château de Versailles)
呢度真係好靚WOR~
真係唔怪得有咁多人黎參觀. 我地排隊買飛都用左個半鐘呀!!!
入面有好多人, 攪到我唔係好集中到精神.....
有一半時間用左黎遊魂呀...... ><
事關尋日用人帶住我行, 我無認路, 完全唔知自己去左邊度買野.
但係我又想帶大家去食多次WOR, 咁我就用晒所有精力去重組個腦入面既data喇.....

行完凡爾賽宮, 我地就搭返車入巴黎既市區喇~
上車前我地去左M記買野食.
我第一次感覺到原來o係M記買包都可以咁難架!!!!
賣包既唔識英文, 買包既唔識法文......
用左非常長既時間去發音, 指手劃腳, 到最後我想買既包個名竟然....... 竟然叫做..... "M"

第二站 - 聖母院 (Cathédrale Notre-Dame de Paris)
入面好壯觀, 不過我認為出面牆上既雕像令人留下更深刻既印象~
我o係入面參加左個唔知咩儀式.
我見到有煙~~~ 仲有好多人一齊唱聖詩.
我都想跟埋一齊唱架~ 不過無奈我望住d歌詞都唔識發音.....

第三站 - St. Michel 食晚餐
經過我重組完自己個腦之後, 我真係帶得返大家黎呢度開餐!
法國餐真係又慢又好食~
今餐食左白酒煮青口, 法式焗Snail, Steak with blue cheese source同埋雪糕~
個Source真係非常cheese呀!!!
可以好多人都會食唔慣~~ 不過我乜都食架嘛 ^^"
我仲要覺得好好食TIM!!!!

第四站 - 巴黎北站 + 巴黎東站 (Gare du Nord + Gare de L'EST)
又返黎火車站買車飛喇~~
不過..... 我地發現左原來Chamonix(雪山)係無車去Nice既....
攪左一大輪, 唯有cut左Chamonix既行程....
無錯~ 我地上晝買既車飛咁就無左.......
賣飛俾我地個人仲要好串WOR!!!
佢問"Do you want ot ask for information or buy the ticket?"
o係車站既售票機度睇野既時候, 仲有個男人走埋黎問我同呀盈拎€0.1
最攪笑係, 佢同我講You are so lucky, you have a beautiful wife.
咁我唯有講Thank you啦..... 都唔知講咩好LU.

第五站 - 聖心堂 (Basilique du Sacré-Coeur)
又返黎呢度喇~
果然, 天光同夜晚黎又係兩個唔同既feeling~
上次黎有人唱歌, 今次黎又有WOR!!!
有一班人o係度唱聖詩.
因為聖心堂已經關左門, 佢地係o係條街度唱架~~
哈哈, 我諗呢個就係歐洲應有既感覺~

4-4-2009     Saturday

France & Holland Trip - Paris Day 2

大清早六點九就俾Alex嘈醒左..... 差d想打人........
八點落去食早餐~
話晒俾左錢架WOR, 梗係食多d啦~~~
食左兩塊cheese, 兩塊麵包, 一個牛角包, 一杯橙汁再加一杯cuppacinno~~~
其實都唔算多喇~~ 因為我決定聽日再食多d!!!!

九點去Metro站搵我親愛既mentee - Kate~
佢仲帶埋佢個friend出黎玩~~~
佢地兩個都係黎學法文, 有兩個識法文既導遊, 今日真係正爆呀!
原本rainnie都一齊架~~ 不過..... 可惜啦~~

第一站 - 艾菲爾鐵塔 (Tour Eiffel)
早晨既巴黎鐵塔給人一種清秀既感覺
加上藍藍的天空, 看著它, 昨天的煩惱定必消失~

第二站 - 塞納河 (Port de Suffren)
影完鐵塔, 我地行左去塞納河遊船河~
付出€11, 就可以搭觀光船遊塞納河~~
全程一小時, 絕對物超所值!

旅程中見到不少景點, 不過最令人難忘既都係沿岸有不少人跟我地揮手~

第三站 - 凱旋門 (Arc de Triomphe)
落左船, 我地慢慢行過去呢座必到既建築物
凱旋門既位置好特別, 佢係12條路既交界點, 一座超大既回旋處!
無論遠觀定係近睇, 凱旋門的確係非常壯觀, 非常宏偉~
佢記錄左法軍既功績, 亦見證住巴黎既變遷
今日, 佢為我既法國之旅留低值得紀念既畫面

第四站 - 香榭麗舍大道 (Avenue des Champs-Élyseés)
凱旋門係12條大街既交界點, 香榭麗舍大道就係其中一條喇~
呢條街以前係貴族、上流社會人士既社交場所
宜家, 佢係名店林立既著名景點
呢度唔止商店多, 人同車都有唔少!

第五站 - Restaurant Jardin du Roy
香榭麗舍大道不愧係著名景點, 我地根本無可能o係入面消費......
所以我地就搭Metro過左去第六區既St-Michel搵野食喇~
呢間餐廳最平既Set Menu €9.5就有交易, 所以.... 我揀左呢間餐廳 ^^"
唔好以為€9.5 o係法國呢個高消費國家食唔到好野, 呢個價錢可以有齊starter, main course同埋dessert!
我今餐就食左白酒煮青口, 牛柳加薯粒, 同超好味既雪糕!

第六站 - 送行
開心既時間過得特別快, Kate都係時候要走喇~
佢既巴黎之旅到尾聲, 係時候要開始佢既倫敦之旅!
食飽之後去左Kate既host family幫佢搬行李
再搭巴士去火車站 (Gare du Nord)
送左Kate去搭Eurostar之後, 因為我要等既Rainnie仲未到, Kelly就陪我行街喇~~
行行下我地入左個街市. 無錯, 係一個街市!
除左入面賣既野唔同, 賣既人唔同, 加上乾淨d之外, 佢同香港既基本上係一樣!
最驚喜既係我搵到d好特別既海鮮 - 蜘蛛蟹!
<>

第七站 - 聖心堂 (Basilique du Sacré-Coeur)
行下行下, 要接rainnie既時間到喇!
接完rainnie, 同kelly分別, 返酒店放低行李之後, 我同rainnie行左上去聖心堂~
呢度係一個山丘既頂部, 白雪雪既教堂o係呢度好搶眼!

聖心堂門口唔單止可能欣賞到巴黎既風景, 仲可以睇到街頭上既人表演
我地黎到既時候有人拎住個結他自彈自唱, 坐o係度聽既起碼過百人
我地兩個都變埋觀眾, 坐低邊聽歌邊睇風景
感覺係好舒服, 好浪漫, 成個人都放鬆晒
呢一刻成為左我十大難忘時刻之一喇~
雖然坐o係身邊既唔係自己女朋友, 不過都要多謝rainnie陪我坐左咁耐
我地兩個都坐到唔捨得走呀!

p.s. 聖心堂呢度有手繩黨架!!!
      有黑人會行過黎問你:"Do you feel happy?" "Make a wish!"
      許願之後佢就會幫你帶條手繩
      而你許願既成本係€1

第八站 - 紅磨坊 (Moulin Rouge)
事隔一日, 我又返黎呢度喇~
今次係特登帶rainnie路過此地影相既~~~
天黑前既紅磨坊係咪別有一番風味呢?

第九站 - 夏瑤宮 (Palais de Chaillot)
呢度係一個好靚既博物館
可惜佢既地理位置太好喇! 令到大部分黎既人(包括我地)都唔係參觀佢!
我同rainnie因為o係聖心堂耽誤左少少時間, 所以遲到....
攪到alex同呀盈o係度等左我地半個鐘!
講返夏瑤宮既地理位置先~ 佢o係巴黎鐵塔既對面, 呢個位置可以影晒成座塔!
因此~~~~~~~ 我地岩岩匯合既四人就..... 自拍!

第十站 - 凱旋門 (Arc de Triomphe)
隔左十個鐘, 我又返黎凱旋門喇!
今次除左身邊既人唔同左, 連個景都變埋~

著左燈之後, 個感覺又唔同左
入夜既凱旋門變得有情調, 同中午係兩種截然不同既感覺~

第十一站 - 艾菲爾鐵塔 (Tour Eiffel)
離開左凱旋門, 我帶住大家行返我下午既路線, 不過搵野食呢part就唔同喇
行完成條香榭麗舍大道之後, 我地都搵唔到野食, 最後大家行左去巴黎鐵塔樓下買左個朱古力味既"Q餅"食~
補充完體力之後, 我地就一齊征服巴黎鐵塔喇!
因為好多人排隊加上搭Lift又貴, 我地決定用自己對腳去征服座塔!
行上第一層, 呢度有360格樓梯, 離地面有57米~
睇黎大家都無咩運動, 行完都有d"支力"
呢個時候, 平時都叫做開運動既我咪特別有男子氣慨囉~

攻佔第一層之後, rainnie決定留低等我地返落黎~
到左上第二層, 講明要征服鐵塔架嘛~ 梗係要拎d氣勢出黎啦!
我決定........ 一鼓作氣跑上去!!!
結果, 700級樓梯, 58米既高度我用左3分鐘完成
下次黎我唔會跑得快過呢個時間架喇~~~
因為..... 我會搭Lift!!!!!!!!!!!!!!!!!!!!!!!!
第二層望到既野比第一層多好多~
你可以o係唔同方去既望遠鏡睇到晒巴黎既景點
可惜呢個時候第三層, 即係塔頂唔開, 我地無緣上去喇~

入夜既巴黎鐵塔同有太陽既時候又好唔同
有太陽, 你睇到佢係因為佢反射太陽光
天黑之後, 你仲睇到佢係因為佢自己會發光
自己發光有咩好呀? 好在可以控制到囉~
每隔一段時間, 巴黎鐵塔都會o係度閃 (我幫佢改左個名叫痙攣閃 ^^")
o個種震撼真係非筆墨所能形容, 非言語所能表達, 就連相機都影唔低呀!

3-4-2009     Friday

France & Holland Trip - Paris Day 1

plan左唔係好耐,但係去好長時間既trip終於黎喇~
一早同alex, rainnie 加埋個好重既backpack行去火車站~
可能真係太趕, 我竟然..... 竟然唔記得帶太陽眼鏡!!!!!!!
想返轉頭已經太遲lu......

搭火車去由Groningen去Amersfoot再去Rotterdam~
不過今日估唔到既事實在太多喇, 無人知道用europass去paris竟然要早兩個week book!
所以呢... rainnie上唔到車~~~~
佢決定買第二日既火車飛過paris~~~
下午一點半, 我地就咁分道揚鑣喇~~~
搭多3個鐘既Hi-Speed火車, 我地終於到左號稱最世界最浪漫既地方 - 巴黎~!
o係售票處搵埋小盈, 我地就出發去hotel喇~~
咁帶路既工作, 當然都係交左俾我啦~~
不過呢個trip我係事先無睇過任何地圖, 仲要連酒店既位置都無搵到!
放低晒d行李, 我地當然係去行街街啦~~

第一站 - 協和廣場 (Place de Concorde)
呢度既地標係由埃及運過黎既方尖石碑~

o係呢個廣場發生過好多歷史事件~~
不過我都唔係好清楚 ^^"

第二站 - 瑪德蓮教堂 (Église Ste-Marie Madeleine)
呢座係仿希臘神殿既基督教教堂.
第一眼望埋去絕對唔會知佢係一間教堂, 只會知呢度係一個景點!
因為遠睇連十字架都搵唔到.....

p.s. 影黎影去到有車.......

第三站 - 拍拖公園 (Jardin des Tuileries)
其實佢個名係圖勒里花園, 不過入面有好多人o係度拍拖, 所以我地叫佢呢個名喇~
呢個花園o係協和廣場同埋羅浮宮中間, 入面有好多雕像, 雀仔, 情侶......
o係呢度我仲食到法國好出名既呀PAUL麵包!

第四站 - 羅浮宮 (Musée du Louvre)
黎法國之前我係唔知羅浮宮咩樣架~
不過遠遠就望到個金字塔, 令我諗起達文西密碼......
我就可以好肯定咁同自己講 - 我無去錯地方!
點解我地咁夜都黎羅浮宮, 唔等第日黎過呢????
咁係因為, 今晚..........  青年免費入場!!!!!!!
呢度有好多藝術品, 件件都好有收藏價值!!!!
第一件令到我停左落黎既展品係 ----------------  希臘女神像

希臘女神像放左o係樓梯既中間
當你一級級咁行上去, 當你慢慢咁接近個神像, 你既目光會好自然咁比佢吸引住
雖然條樓梯好多人行緊, 停落黎一定會阻住其他人
但係你都會放慢腳步, 好細心咁欣賞呢件藝術品
呢個情景令我諗起我之前睇過既discovery channel
睇既時候我已經話過要黎欣賞下佢架喇~!
可惜仲有一件展品我睇唔到喇.... 可能佢仲修復緊掛....

另一件比人圍住既藝術品就 --------------------- 蒙娜麗莎

雖然大家都圍住睇呢幅畫, 但係每個人都要企到好遠欣賞
仲要隔住幾塊玻璃, 上網睇可能仲清楚.....

臨走梗係要o係呢個地標睇相啦~~~

之後去左搵野食, 搵左好耐好耐.....
食飽飽~~~ 就去第五站喇~

第五站 - 紅磨坊 (Moulin Rouge)

呢個景點幾特別, 因為呢區全部都係夜總會~~~~~
出面仲有個風口位, 著裙既女士可以企o係上面扮瑪麗蓮夢露tim呀!